ХУД-ын 10-р хороонд орших Сонгинын булангаас “Нууц товчоо”-нд гардаг Ван ханы Туулын хар шугуй дахь туурийг олж тогтоожээ. Улмаар ХУД-ээс тус газрыг орон нутгийн хамгаалалтад авч, төрийн хамгаалалтад оруулахаар саналаа өргөн барьсан тухай тус дүүргийн Иргэдийн төлөөлөгчдийн хурлын дарга Д.Батбилэг мэдэгдлээ. Тус дүүргийн онцлог нь гадаадын төлөөлөгчдийг угтан авч, үдэн гаргадаг. Тиймээс аялал жуулчлалыг хөгжүүлэх зорилгоор Ван ханы Туулын хар шугуй дахь туурийг иргэдийн амралт чөлөөт цагийг зөв боловсон хөгжүүлэх зорилгоор орон нутгийн хамгаалалтад авсан байна. Түүнчлэн Өлзийт хорооллын далан дагаж морь уралддаг байсан газарт аялал жуулчлал хөгжүүлэх зорилгоор орон нутгийн хамгаалалтад авсан байна. Энэ газарт аялал жуулчлалын цогцолбор байгуулахаар төлөвлөжээ.