Их Британи улсад лазер үзэгнээс үүдэж жилд арван хүүхэд хараагүй болж эсвэл нүд нь гэмтдэг байна. Өнгөрсөн сард ч бага насны хүүхэд лазерын гэрлийн толинд туссан тусгалд цохиулж нүдээ гэмтээсэн явдал гарчээ. Энэхүү хүчтэй хэрэгслийг Их Британи улсад худалддаггүй бөгөөд dailymail цахим хуудас тус улсад гадаадаас авчирсан, Хятад улсад үйлдвэрлэсэн лазерын үзэг, лазерын гэрэлтэй тоглоом хүүхдүүдийг сохлох аюултайг анхаарууллаа. Дашрамд анхааруулахад энэхүү лазерын үзэг нь гал гаргах ч аюултай байдаг бөгөөд 13 метр зайнаас тусгахад хүний арьсыг түлж, бүр агаарын тээврийн хөдөлгөөнд ч саад учруулдаг байна.