Энэтхэг гаралтай Австрал гэрэл зурагчин Палани Мохан монголчуудын бүргэдээр ан хийх соёл уламжлалыг гэрэл зурагт буулгаж, дэлхий нийтэд таниуллаа. Түүний гэрэл зургуудыг CNN агентлаг "Монголын хамгийн сүүлчийн бүргэдийн анчдын урлагийг буулгасан нь" нэртэй дэлхий дахинд цацаад байна. Гэрэл зурагчин Мохан өнөө цагт бүргэдээр ан хийдэг 50-60 хүн үлдсэн бөгөөд анчид нас ахихын хэрээр энэ уламжлалыг үргэлжлүүлэх хүний тоо улам цөөрч байгаа талаар CNN-д ярьжээ. Палани Алтайн казак анчидтай анд явж, гар, хөлөө хөлдөөхийн наагуур адал явдалтай учирч 90 гаруй сэтгэл хөдөлгөм зургуудыг даржээ. Тэрээр бүргэдийн анчдын тухай гэрэл зургуудаа ном болгож гаргасан байна.