Италийн гэрэл зурагчин, кино бүтээгч Паоло Патруно Африк тив, АНУ-д 2011 оноос хойш эхчүүдийн эрүүл мэндийн талаар баримтат кино бэлтгэж байна. “Хүүхэд бол мөрөөдөл” нэртэй төслийн хүрээнд Паоло Камерун улсын алс хөдөө нутагт очиж өсвөр насны эхчүүдтэй уулзаж, баримтжуулжээ. Сургуульд сурч, хүүхэд насаа баяр хөөртэй өнгөрүүлэх эрхтэй боловч эдгээр охид өөрийнхөө хүүхдийг асарч сууна. Хүүхдээрээ хүүхэд төрүүлсэн энэ охид маш азтай. Учир нь хүүхэд насандаа жирэмсэлж, төрөхийн хүндрэлээр нас бардаг охид Камерун улсад олон бий. Өсвөр насны ээжүүд хүүхдээ төрүүлж чадах эсэх нь эргэлзээтэй байдаг аж.