Монголын маркетинг менежментийн хүрээлэн “Гранд экспо” шагнал гардуулах ёслолын үйл ажиллагааг зохион байгуулж салбар салбаруудын шилдгүүдийг тодруулдаг уламжлалтай. Тавдахь жилдээ амжилттай зохион байгуулагдсан тус ёслол энэ жил эрүүл мэнд, банк санхүү, барилга, уул уурхай, боловрол гэх мэт нийтдээ 13-н салбарын хүрээнд шилдгүүдийг тодруулж, алдаршууллаа. Шилдгийн шилдгийг шалгаруулахдаа тухайн байгууллагын үйл ажиллагааны цар хүрээ, хөгжил, шинийг санаачилсан байдал зэргийг харгалзан үзэн өргөмжилдөг. Эрүүл мэндийн салбарын 2015 оны шилдэг эмнэлгээр Жигүүр Гранд Группийн Гранд Мед эмнэлэг, Шилдэг сувиллаар Баатарван амралт, сувилал шалгаран Гран При шагналыг хүртсэн байна. Мөн тус группийн Romana Residence барилга нь шилдэг бүтээн байгуулалт төрөлд Гран При  шагнал, Гэгээнтэн энтертаймэнт нь Топ энтертаймэнтаар шалгаран салбартаа шилдгээр өргөмжлөгдсөн юм.