Шинэ Гвинейн захад хүнсэнд хэрэглэгдэх гэж байсан хоёр яст мэлхийг нэгэн сайн санаат эр далайд нь буцаан тавьжээ. Аарон Куллинг болон түүний хамтран ажиллагч нар хоёр яст мэлхийг захаас худалдан авсан бөгөөд байх ёстой газар нь болох далайд тэднийг буцаасан байна. 

Куллинг өөрийн фейсбүүкт: "Хоёр яст мэлхийг би 50 ам.доллароор худалдан авч таван км орчим явсаны эцэст далайд нь буцаалаа" хэмээн нийтэлсэн бөгөөд энэ нь түүний анхны үйл биш юм. Тэр өмнө нь 10 орчим яст мэлхийд ийнхүү дахин амьдрал бэлэглэж байжээ. 

Дэлхий дээр долоон төрлийн далайн яст мэлхий байдаг бөгөөд эдгээрийн бүх төрөл устаж үгүй болох аюулд өртөөд буй. Учир нь яст мэлхий агнуур хуулиар зөвшөөрөгдсөн байдаг ажээ.