Ням гарагт ӨМӨЗО-ны хилийн шалган нэвтрүүлэх цэг рүү нүүрээ халхалсан 100 орчим танхай этгээдүүд дайрчээ. Өвөр Монголын баруун хойд цэгийн хилийн шалган нэвтрүүлэх цэгт халдлага болох үеэр үүрэг гүйцэтгэж байсан 13 хүн гэмтэж бэртсэн байна. Нэвтрүүлэх цэг бүхэлдээ сүйдсэн бөгөөд үүрэг гүйцэтгэж байсан  хоёр албаны хүн, 11 малчин маш хүнд бэртэж тэдний ашигладаг 11 тээврийн хэрэгсэл дахин ашиглах боломжгүй болсон байна.  Энэ хүмүүсийг Цельсийн хасах 20 хэмийн хүйтэнд гадаа хүлж үлдээсэн бөгөөд зодож гэмтээсний дээр мөнгө, хувийн эд зүйлс, гар утсыг нь дээрэмджээ. Глобал Таймс сонины мэдээлснээр цагдаа нар танхай этгээдүүдийн заримыг баривчлан саатуулсан аж.