Энэ нь ирэх 11 дүгээр сарын 7-11-ний хооронд зохион байгуулагдах уулзалтын үеэр сөрөг нөлөө үзүүлэх хорт утааны уршгийг арилгах цорын ганц арга юм хэмээн Жан Гао Ли мэдэгджээ. Тэрээр нүүрсээр үйл ажиллагаагаа явуулдаг үйлдвэрүүдийн үйл ажиллагааг хязгаарлах нь хүнд нөхцөл байдыг хэсэгхэн зуур зогсоох арга хэмжээ болж байгаа бөгөөд үйлдвэрлэл зогсвол энэ нь эдийн засагт сөргөөр нөлөөлөх нь тодорхой. Бид энэ бүхнээс гарах арга замыг хайсаар байна гэсэн байна. Өнгөрсөн жилийн өдийд л гэхэд Бээжин хотод агаарын бохирдлын хэмжээ мөн дээд цэгтээ хүрч сургууль цэцэрлэг үйл ажиллагаагаа зогсооход хүрээд байсан юм. Одоогийн байдлаар машины дугаарын хязгаарлалт хийн үйлдвэрүүдийг хаагаад байгаа ч дорвитой үр дүнд хүрээгүй байна. Түүнчлэн Бээжин хот агаарын бохирдлоосоо болоод дэлхий дээрх хамгийн аюултай хотоор зүй ёсоор тооцогдоод байна.