Засгийн Газар “11 11 ТӨВ”-ийг байгуулж иргэддээ нээлттэй, тунгалаг төрийг цогцлоохын тулд хүнд суртлыг халж, хурдан шуурхай үйлчилгээг эрхэмлэж иргэдийн саналыг дараах 10 сувгаар хүлээн авч, түүнд тодорхой хариулт өгөхөөр тус төвийг байгуулсан. Бүрэн автоматжсан системийг ашигласнаар иргэдээс ирэх санал хүсэлт, шүүмжлэл, гомдол, талархал нэг бүрийг алдахгүй хүлээн авч холбогдох байгууллагад шилжүүлэн түүний хяналт, хэрэгжилтэнд үнэлэлт дүгнэлт өгч ажилладаг. HIUB тус төвийн утсанд иргэдийн ирүүлсэн талархалын заримыг уламжилж байна. Өргөсөн тангарагтаа үнэнч, үүргээ нэр төртэй биелүүлж байгаа төрийн алба хаагчиддаа баяр хүргэж байна. 

• СБД-ийн Эрүүл мэндийн төвийн мэдрэлийн эмч Д.Чинзүрх нь эрүүл мэндийн үйлчилгээг түргэн шуурхай чирэгдэлгүй хүргэж байгаад баяртай байна. Иймд энэ асуудлыг холбогдох газар нь уламжилж өгнө үү.
• Эх хүүхдийн эрүүл мэндийн төвийн эрүү нүүрний тасгийн хамт олон болон эмч Аянга, Цэндсүрэн нартаа албан үүргээ хангалттай биелүүлж байгаад баяртай байгааг минь холбогдох газар нь уламжилж өгнө үү.
• СБД-ийн Эрүүл мэндийн төвийн мэдрэлийн эмч Ц. Болортуяа нь эрүүл мэндийн үйлчилгээг түргэн шуурхай чирэгдэлгүй хүргэж байгаад баяртай байна. Иймд энэ асуудлыг холбогдох газар нь уламжилж өгнө үү.
• Улаанбаатар хотын Халаасны хулгайн гэмт хэрэгтэй тэмцэх тасгийн ахлах дэслэгч н.Ууганбатад алдсан эд зүйлийг минь түргэн шуурхай олж өгсөнд баяртай байгааг минь холбогдох газар нь уламжилж өгнө үү.
• Манайх СБД-ийн Бэлхэд амьдардаг. 103 түргэний эмч н.Баасанжав жолооч н.Бат-очир нар төрөх гэж байгаа хүнийг түргэн шуурхай авч эрүүл саруул төрүүлж өгсөнд талархал илэрхийлж байна.
• ХУД-ийн нэгдсэн эмнэлгийн иллэг массажны сувилагч н.Буянжаргалд талархал илэрхийлж байна.
• БГД-ийн 1-р төрөхийн эмч н.Дашдэмбэрэл, эх баригч н.Оюунчимэг хоёрт талархснаа илэрхийлж байна.
• БЗД түргэний 1-р ээлжийн эмч н.Ууганбаатарт дуудлага өгөхөд хурдан шуурхай үйлчилж зөвлөгөө мэдээлэл сайн өгсөнд талархаж байна. Ажилд нь амжилт хүсье.
• СХД-ийн 1-р амбулаторын эмэгтэйчүүдийн эмч н.Шинэбаярын хяналтанд байсан. Эрүүл саруул төрүүлж өгсөнд талархал илэрхийлж байна.
• Түргэн тусламжийн 103-ийн Сувилагч н.Цэцгээд сайн үйлчилгээ үзүүлж сайн эмчилгээ үзүүлдэгт талархаж байна. Ажилд нь амжилт хүсье.
• СБД салбар 2-р амбулторийн ахлах сувилагч н.Мөнхтуяа болон мэдрэлийн эмч, эмэгтэйчүүдийн эмч хамт олонд нь талархаж байна.
• 1-р эмнэлгийн төрх тасгийн эмч Б.Бүлтэн, н.Дашдэмбэрэл, н.Болоржаргал, н.Гэрэлчимэг нартаа эрүүл мэндийн үйлчилгээг түргэн шуурхай чирэгдэлгүй хүргэж байгаад баяртай байна. Иймд холбогдох газар нь уламжилж өгнө үү.
• БЗД 8-р цэцэрлэгийн хичээлийн эрхлэгч болон бага бүлгийн багш Ариунтуул туслах багш нарт баярлаж талархаж байгаа илэрхийлье. Манай хүүхэд энэ цэцэрлэгт сурч байгаадаа маш зөв сурган хүмүүжил авч байна. Цаашдийн ажилд нь амжилт хүсье.
• ХУД-ийн Цагдаагийн 1-р хэлтсийн ахмад н.Алтанцоож, ахлагч н.Мягмарсүрэн нарт миний гар утсыг олж өгсөнд талархаж байгаагаа илэрхийлж байна. Дамжуулж өгнө үү.
• 103 түргэний н.Дэмбэрэл эмчид талархал илэрхийлж байна.Үйлчилгээгээ түргэн шуурхай сайхан үзүүллээ.
• Эх нялхасын эмэгтэйчүүдийн эмгэг судлалын н.Мөнхбаяр эмч, Норкозны эмч н.Хорлоо болон хамт олонд нь талархснаа илэрхийлж байна. Цааш нь дамжуулан өгнө үү. / 57настай Оюунчимэг/
• Манай охин нэгдүгээр амаржих газарт амаржсан. Түргэн шуурхай үйлчилсэн Эмч н.Цэрэнчимэд жолооч н.Нямдорж нарт талархаж байна.
• БЗД-ийн 103 түргэний эмч н.Ганчимэгт талархал илэрхийлж байна.