Монгол улсын нийслэл Улаанбаатар хотод шинэ жилийн баярын уур амьсгал орлоо. Одоогийн байдлаар нийслэл хотын өнгө үзэмжинд нөлөөлөх хамгийн ганган гацуур мод Улсын Их Дэлгүүрийн өмнө сүндэрлэн байна. Тэгвэл нийслэлийн хотын төв талбайн  буюу Чингисийн талбайн сүлд модны гэрлийг  2015 оны 12 дугаар сарын 15-нд асаахаар болсон байна. Хотын дарга Э.Бат-Үүл шинэ жилийн баярын үйл ажиллагааны хүрээнд нутаг дэвсгэртээ иргэд, олон нийтийг хамарсан нийтийн цэнгүүн зохион байгуулж ажиллахыг дүүргүүдийн Засаг дарга нарт үүрэг болгожээ.