Канад улсын иргэд Лесли, Дог Фэсей нар Казакстан улсаас 4 настай Кирилл хүүг үрчилж авчээ. Хүүхдийг хилийн чанадад гэр бүлд үрчлүүлэхтэй холбоотой шат дараалсан арга хэмжээнээс улбаалж Фэсейн гэр бүл хүүгээ өнгөрсөн 9-р сард тосч авсан байна. Кириллийн хувьд 20 хоногтойдоо эхдээ хаягдсан, төрөлхийн баруун гаргүй хүүхэд. Зургаан гэр бүл Кириллийг өргөж авах гэж байгаад шийдвэрээ өөрчилсөн учир Казакстаны тал Канад хосыг тэдний л нэг гэж үзэн итгэл муутайхан байжээ. Харин Лесли, Дог нарын хувьд хүүг нэг гартай учраас өргөж авахаар шийдсэн байна. Учир нь Догийн эцэг Крис эхээс баруун гаргүй төржээ. Гэсэн ч Крис өвөө амьдралд хүссэн зорьсондоо хүрч чадсан бөгөөд Лесли, Дог нар Кирилл хүүд нь Крис өвөө амьдралд хэрэгтэй олон сайхан зүйлийг зааж өгнө гэдэгт итгэлтэй байна. Хоёул адилхан баруун гаргүй Кирилл болон Крис Дог нарын бичлэг интернет ертөнцийг уярааж байна.