Пүрэв гарагт 21 настай оюутан бүсгүй Томмитрис Коллинс төрөх эмнэлгээс сэтгэлзүйн шалгалтаа өгсөн байна. Төрөх үйл явц эхэлж, гурван минутын зайтай базалж байхад ч залуу ээж сурах үйл явцаа хойш тавьсангүй. Учир нь Коллинсын хувьд Миддле Жеоржиа мужийн их сургуулийн төгсөх шалгалт байсан гэнэ. Хэдийгээр төрөхийн өвдөлтөөс улбаалж Коллинс шалгалтаа дөрвөн цаг өгсөн ч амжилттай давж чадсан байна. Мөн амьдралын шалгалтаа ч давж бяцхан охинтой болжээ. Тайлер Элизе охин төрөх үйл явц эхэлснээс 20 цагийн дараа мэндэлжээ. Америкийн Фокс 5 Атланта телевизээр Томмитрис Коллинсын тухай мэдээ цацагдсан төдийгүй, эрэлхэг зоригтой, бас хүсэл эрмэлзэлдээ үнэнч дүүгийнхээ гэрэл зургуудыг Коллинсийн эгч Фэйсбүүкт оруулахад интернет хэрэглэгчид нийт 15 мянган удаа түгээсэн байна.