www.npr.org вебсайтынхан өдрийг кофегүй өнгөрөөж чаддаггүй хүмүүст нэгэн сайхан мэдээ дуулгажээ. 

Харвардын их сургуулийн нийгмийн эрүүл мэндийн хүрээлэнгийн судлаачид 167.000 эмэгтэй, 40.000 эрэгтэй, ихэвчлэн эрүүл мэндийн салбарт ажилладаг буюу эрүүл мэнддээ ихээхэн анхаардаг хүмүүсийн дунд судалгаа хийсэн байна. Судалгааны үр дүнд, кофе байнга уудаг хүмүүс гэнэтийн зүрхний өвчлөлд өртөх магадлал кофе уудаггүй хүмүүстэй харьцуулбал 15 хувь бага байсан ба урт насалдаг болохыг нь тогтоосон байна. 

Мөн чихэргүй хар кофе уудаг хүмүүс чихрийн шижин, Паркинсоны өвчлөл, зүрхний өвчлөлөөр өвдөх эрсдэл бага байдаг ба амиа хорлох магадлал ч харьцангуй бага байдаг ажээ. Гэхдээ өдөрт 3-5 аяга, сүү чихэрний орц бага эсвэл бүр байхгүй хар кофе эрүүл мэндэд тустай гэдгийг та санаарай.