Элэгний вирусын бүх хэлбэрт тохирдог, 2-3 сарын хугацаанд С вирусыг бүрэн устгах боломжтой Харвони эм Монголчуудын гарт ирэхэд улам ойртлоо.  ХАРВОНИ эмийг  2015 оны 11 дүгээр сард 1600 хүн тун, 2016 оны 2 дугаар сард 2000 хүн тунг тус тус нийлүүлэхээр тохирсон байна. Цаашид уг тоог хэрэгцээнд тулгуурлан нэмэгдүүлж өгөх боломжтойг  АНУ-ын Гилеад Сайнс компани мэдэгдээд байна.

АНУ-ын Гилеад Сайнс компанийн албан ёсны борлуулагч “Омбол” ХХК эм хангах нийлүүлэх байгууллага нь Совалди, Харвони эмийг өөрийн эмийн сангуудаар болон улсын эмнэлгүүдийн эмийн сангуудаар дамжуулан олгохоор төлөвлөж байна. Сургалтанд сууж гэрчилгээ авсан төрийн өмчит болон хувийн эмнэлгийн эмч нарын бичсэн цахим жорын дагуу тус эмийг олгоно. Эдгээр эмүүд нь “Хүртээмж” хөтөлбөрийн хүрээнд дэлхийн зах зээл дахь үнээс маш хөнгөлөлттэй үнээр нийлүүлэгдэж байгаа тул эм олголт, тараалт, нийлүүлэлт нь тусгай горимын дагуу явагдана.

ХАРВОНИ эмийг хэрэглэж байгаа өвчтөн эмчийн зааврыг заавал мөрдөх хэрэгтэй. Эмийг өдөр бүр тогтмол цагт таслахгүй уух, эм ууж байх үедээ архи, пиво, дарс хэрэглэхгүй байж, ямар нэгэн зовиур илэрвэл хяналтын эмчдээ хандаж зөвлөгөө авах хэрэгтэй.

ХАРВОНИ эмийг хэрэглэж байгаа үед өвчтнөөс бас тодорхой хариуцлага шаардана. Учир нь эм бүр тухайн өвчтөнд зориулсан тусгай кодтой тул зөвхөн өөрөө хэрэглэнэ. Эмийг дамлан худалдахгүй байх хэрэгтэй. 3 сар уух эмийг нэг дор олгохгүй тул сар тутам хяналтын эмчдээ эм дуусахаас 7-10 хоногийн өмнө үзүүлж, жороо бичүүлж , эм дуусахаас  2-3 хоногийн өмнө эмийн сангаас худалдаж авна. Гэхдээ  өмнө сарын уусан эмийн савыг эмийн санд буцааж өгөх ёстой.

ХАРВОНИ эмийг  зарах эмийн санг тогтоож, гэрээ байгуулж байгаа. Одоогоор 9 дүүрэг, 5 аймгийн тодорхой эмийн сангуудтай гэрээ хийсэн.  Иргэд  вирусын эмчилгээ, оношлогооны талаар дэлгэрэнгүй мэдээлэл авах бол ЭМСЯ, ХӨСҮТ-ийн цахим хуудас, ХӨСҮТөвийн 454921утас, www.facebook.com/HepMon-ээс авч болно.

ХАРВОНИ ЭМИЙГ ТҮГЭЭХ ЭМИЙН САНГИЙН ЖАГСААЛТ: