Тус хурлын үеэр эбола вирусын халдварын тархац улам газар авч байна. Ялангуяа Баруун Африкийн орнуудын Гвиней, Либер, болон Сьерра-Лион улсад нөхцөл байдал хүндхэн байгааг онцолжээ.

ДЭМБ-аас гаргасан албан ёсны тоогоор халдвар авсан хүний тоо 9,900 хүрч, вирусээр нас барсан хүний тоо 4800 хүрсэн гэсэн тооцоо гарчээ. Ноён Фукуда халдвар тархаад байгаа Баруун Африкийн улсын нисэх буудлын дамжин өнгөрөх гарцуудыг хааснаар дэлхийн бусад оронд эбола вирус тархах тархалтыг бууруулах боломжтой гэж үзэж байгаа юм байна.

Гэхдээ энэхүү хориг арга хэмжээний хүрээнд тахалд өртөөд байгаа 3 улсын эдийн засагт хүндрэл учруулах өндөр магадлалтай. Мөн халдварт өртсөн 3 орны хооронд хяналтгүй шилжилт хөдөлгөөн өрнөх эрсдэлийг дагуулна гэдгийг ч сануулсан байна. Харин эдгээр эрсдэлийг үл харгалзан энэхүү хориг арга хэмжээг авахгүй бол Эболагийн халдвар олон улсад улам хурдтайгаар тархах болно гэдгийг анхааруулжээ.