Та өөрийнхөө юу өмсч зүүсэн байгаагаа хараад үнийг нь нэг тооцоод үз дээ. Хэрэв бугуйн цаг чинь 95 мянган ам.доллар, жийнс нь 1,3 сая ам.доллар, подволк нь 400 мянган ам.доллар, гар утас гэхэд л очир алмазан гадартай байвал ямар байна?   Ингээд танд төсөөлсөнөөс хэтэрхий илүү үнэтэй эд зүйлсийг сонирхуулъя.

950 мянган ам.долларын цаг

Bulgari Magsonic Grande Sonnerie Tourbillon цаг нь хэтэрхий үнэтэй.  950 мянган ам.долларын үнэтэй энэ цагний гол үүрэг нь бусад бүх цагны адил хэдэн цаг болж байгааг заах. Гэхдээ үүнийг худалдаж авахыг хүсвэл бараг сая ам.доллар төлөх нь. Цаг бол алт шүү.

8 сая ам.долларын машин

Maybach Exelero машиныг "Cash Money" дууг дуулдаг рэппер Birdman эзэмшдэг.

3.5 сая ам.долларын iPhone утас

24 каратын алт, үнэт чимэглэлтэй энэ утас дуудлага худалдаагаар орж 2.3 сая фунтээр зарагдаж байсан. Одоо харин iPhone 6s гарсан юм чинь үнэ нь буусан болов уу?

760 ам.долларын оймс

Хос оймс шүү. Дангаараа биш, тэрнээс олон ч биш. Германы Falke компани Өмнөд Америкт байдаг маш бага хэмжээгээр маш сайн чанарын ноолуур гаргадаг, ховор төрлийн Викуна лам гөрөөсний ноосоор 10 хосыг хийж нэгийг нь 760 ам.доллараар үнэлжээ. Вакуна лам гөрөөсний ноосоор эд зүйл хийхийг хуулиар хориглосон байдаг.

7500 ам.долларын пүүз

Nike SB Flom Dunk High гэдэг нэртэй энэ пүүз тийм ч үнэтэй харагдахгүй байгаа биз. Гэхдээ л үүнийг 7500 ам.доллараар зардаг. Мөнгөтэй хүн лаагаа иднэ үү луувангаа иднэ үү тэдний дур биз дээ.

35 мянган ам.долларын амттан

Энэ шоколадны найрлагад алтан навч, маш ховор загасны түрс, алмазан шигтгээ орсон. Мэдээж үүнийг Английн алдарт Lindeth Howe Country House зочид буудал санаачлан бүтээсэн. Одоогийн байдлаар ганцхан ширхэгийг л хүн захиалж идсэн байна.

3.5 сая ам.долларын текила

Pasion Azteca дөрвөн жилийн настай Anejo текила цагаан алтан, очир шигтгээтэй савтай ирдэг учраас үнэ нь 3.5 сая ам.доллар хүрдэг.

1850 ам.долларын шар айраг

"Nail Brewing's Antarctic Nail Ale" нэртэй шар айрагны нэг шил нь 800 ам.доллар байжээ. Харин энэ жил үнэ нь өсч  1850 ам.доллар болсон байна. Халим агнуурын эсрэг Sea Shepherd багийнхан Хойд Мөсөн Далайн мөсөөр энэхүү шар айргийг хийж үнэ хүргэдэг.

275 мянган ам.долларын оргилуун дарс

Дэлхийн I дайны үед Хоёрдугаар Николай хааны хөлөг онгоц живж 2000 мянган шил оргилуун дарс Финландын далайд унаж 90 жилийн турш дарагджээ. 1907 оны Heidseick шампанск дарс 1998 онд Москвагийн дуудлага худалдаагаар 275 мянган ам.доллараар зарагдсан түүхтэй.

3.75 сая ам.долларын цагаан архи

Энэ архийг далайн ёроолоос олоогүй. Тэрбумтан Водка зүгээр л ийм үнээр зарагддаг.

500 ам.долларын дотуур өмд

Hermes Woven Boxers брэндийн дотуур өмд бусдаас ялгарах онц шинж байхгүй. Аан тийм, хааяа хүүхэлдэйн киноны баатруудын зурагтай гардаг.

1.5 сая долларын ажлын ширээ

Cadillac ажлын ширээн дээр суудаг хүмүүс маш их ажил амжуулдаг байх даа.

1.8 сая ам.долларын гэрлийн бүрхүүл

Кувейтийн их дэлгүүр өлгөгдөх энэ гэрлийн бүрхүүл нь цул алт бөгөөд болор чимэглэлтэй.

400 мянган ам.долларын подволк

Superlative Luxury брэндийн "зуны өмсгөл" харахад энгийн хэрнээ хамгийн үнэтэй нь.

2.25 сая ам.долларын телевизор

Stuart Hughes’ Prestige HD Supreme Rose Edition телевизорыг 24 мянган ширхэг алтны үртэс, 7272 ширхэг алмазаар чимэглэсэн. Бусдаар бол энгийн телевизортой л адил.

1.3 сая ам.долларын жийнс

Харахад үнэхээр "царай муутай" энэ жийнсэн өмдийг "илүүдээ гарсан" очир алмазаар чимэглэжээ. Харин биед эвтэйхэн байж чадах болов уу?

100 ам.долларын хясаа

Энэ жагсаалтын хувьд хамгийн гайгүй үнэтэй сонсогдож байгаа нь. Гэхдээ нэгхэн ширхэг нь л 100 ам.доллар юм. Австралийн Коффин хойгоос олддог энэ хясааны хамгийн том нь л ердөө 17 см  байсан гэж бодохоор жижигхэн дун байгаа биз.

1.3 сая ам.долларын ариун цэврийн цаас

Toilet Paper Man компани энэ утгагүй бүтээгдэхүүндээ дагалдуулж оргилуун дарс өгдөг гэж байгаа.

6400 ам.долларын усан үзэм

Японд болсон дуудлага худалдаагаар нэг багцаараа 6400 ам.доллар хүрч байжээ. Энэ нь нэг ширхэг нь 225 ам.доллар гэсэн үг юм.

150 тэрбум ам.долларын хиймэл дагуул

Энэ жагсаалтын хамгийн үнэтэй, магадгүй хамгийн хэрэгцээтэй бүтээгдэхүүн нь энэ байх. Гэхдээ одоо энэхүү хиймэл дагуул хуучирч ариун цэврийн өрөө нь хүртэл ажиллагаагүй болсон гэсэн шүү.