Дэлхийд хамгийн алдартай хүүхэлдэйн киноны баатруудын нэг нь яах аргагүй зөгийн балд дуртай Винни Пух билээ. Анх 1926 онд зохиолч Милн бяцхан бамбарууш түүний адал явдлын тухай богино үлгэр бичиж эхэлсэн байна. Ингэхдээ зохиолч хүүгийнхээ хайртай Винни чихмэл бамбаруушнаас санаа авч өнөөгийн Винни Пухын дүр төрхийг бүтээжээ. Тэгвэл жинхэнэ Винни Пух эвш буюу эмэгчин баавгай байжээ. Дэлхийн I дайны үеэр буюу 1914 онд Канадын армийн дэслэгч Гарри Колбурн Англид алба хааж байх үедээ 20 доллароор амьд бамбарууш худалдан авчээ. Гарри Колбурн бяцхан бамбаруушаа Винни гэж төрөлх хэлээрээ нэрлэсэн бөгөөд Франц улс руу шилжих үедээ Винниг аюулгүй газарт үлдээхийн тулд Лондон хотын амьтны хүрээлэнд хүргэжээ. Винни эвшийг тус амьтны хүрээлэнд байхыг нь зохиолч Милний бяцхан хүү хараад чихмэл бамбаруушдаа түүний нэрийг өгчээ. Сонирхуулахад Винни Пухын адал явдалт зохиол дэлхийн 50 өөр хэлээр орчуулагдсан байна. Тэртээ 1960 онд хэвлэгдсэн Винни Пухын адал явдал ном 20 долоо хоног дараалан best seller болж нийт 125 мянган хувь хэвлэгджээ.

'

Б.Агай