Уран зургийн дуудлага худалдааны түүхэнд тэмдэглэгдэх үйл явдал боллоо. 1920 онд таалал төгссөн Италийн зураач Амедео Модильянигийн “Нүцгэн” зургийг даваа гарагт Кристис дуудлага худалдааны ордон 170.4 сая ам.доллараар худалдлаа. Ийнхүү Амедео Модильянигийн “Нүцгэн” зураг уран зургийн дуудлага худалдааны түүхэнд хамгийн өндөр үнэ хүрсэн хоёрдахь уран зураг боллоо. Мөн 100 сая ам.долларын босго давсан 10 урлагийн бүтээлийн нэг болж байна. Эдгээр 10 бүтээлийн дотор Пабло Пикассо, Швед зураач Альберто Жакометти нарын тус бүр гурван бүтээл багтдаг байна.