Гэр бүлийн хамтын амьдралдаа араар тавилт буюу хууралтыг хүлээн зөвшөөрдөг хосууд Холливудад олон байдаг ажээ. 

6. Tilda Swinton & John Byrne

Алдарт жүжигчин Оскарын шагналт Тилда Свинтон хэзээ ч албан ёсоор гэр бүл зохиож байгаагүй нэгэн. Гэвч тэрээр 1989 оноос хойш Жонн Бирнетэй хамт амьдраад 20 гаруй жилийг үдээд буй юм. Энэ хугацаандаа тэд хоёр ч хүүхдийн эцэг эх болсон юм.

2004 оноос эхлэн Тилда 37 настай буюу удаан хугацаанд хамтран амьдарсан Жон Бирнегээс нас харьцангуй залуу Сандро Копптой болзох болжээ. Гэвч Бирне, Тилда хоёрын харилцаа хэвээр байгаад зогсохгүй Бирне ч мөн адил "амрагтай" аж. Тэд хоёул энэ тухайгаа мэддэг хэдий ч хүүхдүүдийнхээ төлөө салдаггүй хэмээн тайлбарласан байна. 

5. Will & Jada Pinkett Smith

Холливудын хамгийн бат бэх энэ хосыг  салах гэж байна гэсэн шуугиан саяхан дэгдсэн ч тэд салсангүй. Харин "нээлттэй" харилцаатай болохоор шийдсэн тухайгаа ярьжээ. 

Энэ асуудлыг Жада Пинкетт Смит түрүүлж хөндсөн бөгөөд "Ер нь бол хамт байгаа нэгэндээ итгэдэг байх нь маш чухал асуудал. Ер нь бол чи хэний ч харгалзагч биш шүү дээ. Би Уиллийг шударга, үнэнч эр хүн гэдэгт итгэдэг" хэмээн тэр 2015 оны зун ярилцлага өгчээ.

4. LeBron & Savannah James

Сагсан бөмбөгийн түүхэн дэх хамгийн агуу тоглогчдын нэг яахын аргагүй Леброн Жеймс мөн. Тэр одоогийн эхнэр Саваннатайгаа 2013 онд гэрлэсэн билээ. 

Гэхдээ нэгэн нэрээ нууцлахыг хүссэн NBA-н тамирчин "NBA-д хэд хэдэн нээлттэй харилцаатай гэр бүл байдгийн нэг нь Леброний гэр бүл" хэмээн ярьжээ. Харин хосууд энэ тал дээр олон нийтэд тайлбар хийж байгаагүй юм. 

3. Megan Fox & Brian Austin Green

Холливудын хамгийн үзэсгэлэнтэй бүсгүйчүүдийн нэг Меган Фокс 2010 онд Брайн Аустин Гринтэй гэрлэсэн билээ. Тэдний дотны найз, нэгэн ойрын эх сурвалжийнх нь хосуудын харилцаанд сонирхолтой нууц байдаг. Тэр нь юу вэ гэвэл, Меган хүссэн эртэйгээ холбогдож болно, харин Брайн өөр ямар ч бүсгүйтэй холбогдож болохгүй хэмээн хоорондоо тохиролцсон байна.  Тэд саяхан гэр бүлээ цуцлуулсан бөгөөд нээлттэй харилцаа нь гэр бүл удаан тогтнох үндэс биш юм гэдгийг баталлаа.

2. Pink & Carey Hart

Алдарт дуучин Пинк 2006 онд мотоциклчин Кери Ханттай гэр бүл болсон бөгөөд тэд гэрлэсэн даруйдаа өөрсдийгөө маш нээлттэй, хардалтгүй гэр бүл хэмээн ярих дуртай байсан ч 2007 онд Кери өөр бүсгүйтэй нэр холбогдсоноос болж Пинк маш их уурлаж, салах дөхсөн ч, одоо хүртэл гэр бүл хэвээр байгаа билээ. 

1. Angelina Jolie & Brad Pitt

Магадгүй энэ жагсаалтын хамгийн сонирхолтой хэсэг ч байж болох юм. Үнэнч, урт удаан хайр сэтгэлээрээ бүх хүмүүсийн хүндлэлийг хүлээдэг хосууд үнэнийг хэлэхэд "нээлттэй" хосууд буюу бие биенийгээ өөр хэн нэгэнтэй холбогдохыг зөвшөөрдөг гэнэ. 

2011 онд Жоли сэтгүүлчдэд нэгэн сонирхолтой ярилцлага өгсөн байна. Уг ярилцлагатаа тэрээр: 

"Харилцаанд үнэнч байдал хамгийн чухал. Хэн нэгнийг орхиж явах, дараа нь үзэн ядах гэдэг үнэндээ маш муухай. Бред бид хоёр хоёул, хэн нэгэнтэй хамт амьдарна гэдэг бие биенээсээ гинжлэгдсэн мэт байна гэсэн үг биш гэж боддог" хэмээн ярьж, мөн өөрсдийгөө нилээд нээлттэй гэр бүл гэдгийг хэлжээ.