18 настай Жулиан Хернандес ахлах сургуулиа төгсч, хэд хэдэн коллежид элсэх хүсэлт гаргах хүртлээ өөрийг “хулгайлагдсан” хүүхэд гэдгээ мэдээгүй байна. Түүнийг 13 жилийн өмнө Бирминхэмээс сураггүй алга болсон гэж хүүгийн ээж цагдаад мэдүүлжээ. Жулианы эцэг “Хүүгээ би авлаа” гэсэн бичиг үлдээгээд 2002 онд ээжийнх нь гэрээс авч явсан байжээ. Энэ бүх хугацаанд хүү эцэг, хойд эх хоёр дүүгийнхээ хамтаар Огаёо мужид зохиомол нэрээр энх тунх амьдарч байжээ. Хүүгийн эх энэ тухай мэдээг сонсоод ихэд баярласан ч цагдаа нараас энэ хэргийн талаар мэдээлэхдээ өөрийнх нь тухай нууцлахыг хүссэн байна. Жулиан өнөөдөр нэгэнт 18 насанд хүрсэн учир хэнтэй амьдрахаа өөрөө сонгох бүрэн эрхтэй болжээ. Харин түүний аав 2-10 жилийн хорих ялаар шийтгүүлж магадгүй байна.