Эд Гейн хэмээх энэ эр бяцхан хүү байхаасаа л бусдаас өөр, сэтгэц нь эрүүл бус мэт зан авир гаргадаг байв. Энэ бүхэн 1945 онд ээж нь нас барж түүний сэтгэл хүнд цохилтод орсоноор эхэлсэн аж. 

Тэр ээжийгээ нар барсны дараа ээжийнхээ өрөөг дотроос нь түгжиж, бүхэл өдрийг тэнд өнгөрүүлдэг байсан ба гэрийнх нь бусад хэсэг түүнд огтхон ч хамаагүй мэт аашилдаг байв. Ийнхүү тэрээр өсвөр насны хүү болох үедээ, эмэгтэй хүн болохыг ихэд хүсч эхэлсэн гэдэг. 

Нас биед хүрснийх нь дараа түүнийг хоёр хүний үхэлд буруутгахад тэдний амь насыг 1954 болон 1957 онуудад бүрэлгэснээ хүлээн зөвшөөрсөн байна. 

Гэхдээ үүнээс ч олон сэтгэл сэртхийлгэм хэрэг үйлдсэнээ өөрөө мэдүүлсэн юм. Ээжийгээ нас барсаны дараах жилүүдэд тэр амьдардаг байсан мужийнхаа оршуулгын газар нийт 40 орчим удаа зочилсон байдаг бөгөөд ийнхүү очихдоо тэр сэтгэлээ тайвшруулахын тулд ээжтэйгээ ойролцоо насны эмэгтэйчүүдийн булшийг малтаж гаргаж ирдэг байжээ. Нэг талаар энэ нь өөд болсон ээжтэйгээ ойрхон байх нэг арга, нөгөө талаар хүйсээ сольж эмэгтэй хүн болох хүслийг нь бага ч болов биелүүлэх арга байлаа. 

Ийм учраас тэр гаргаж ирсэн цогцоснуудынхаа арьсыг хуулж, өөртөө хувцас, чимэглэлийн зүйлс хийн түүнийгээ өдөр тутамдаа өмсч зүүдэг байсан гэдэг.

Түүнийг 1957 онд баривчлахад цагдаа нар гэрээс нь маш олон аймшигтай зүйлс олсон байна. Тэр хүний биеийн хэсгүүдийг салгаж, нямбайлан цуглуулдаг байсан бөгөөд хүний арьсаар хийсэн гэрлийн бүрхүүлээр таазаа чимсэн байв. 

Гэхдээ тэрээр маш муухай үнэрээс нь болж хэзээ ч цогцоснуудтай бэлгийн харьцаанд орж байгаагүй гэдгээ хүлээн зөвшөөрсөн бөгөөд түүнийг төрөлхийн сэтгэцийн өвчтэй гэж оношилсон учир шоронд хорилгүй, бүх насаараа сэтгэц мэдрэлийн эмнэлэгт хоригдох шийдвэр гаргажээ. Шүүх түүнд өршөөнгүй хандсан учир Гейн сэтгэц мэдрэлийн эмнэлэгт 1984 онд зүрхний шигдээсээр амьсгал хураасан ажээ.