Аялах дуртай, бас жинхэнэ адал явдалт аялал хийх дуртай хүмүүс олон байдаг. Аялал гэдэг угтаа сонирхолтой, адал явдалтай, хүний амьдралдаа заавал хийх зүйл мөн бөгөөд хэд хэдэн үнэт сургааль, ач тусыг агуулж байдгийн заримаас танд сонирхуулж байна. 

1. Хүнтэй харилцаж, мөн харилцаанаас хэрэгтэй зүйлийг олж авч сурна 

Өөр өөр газар, огт танихгүй  хүмүүстэй харилцахаас илүү хүнийг ”хүмүүжүүлдэг” зүйл ховор байх. Ийм учраас ихэнх аялагчид хүнтэй маш зөв боловсон харилцаж сурсан, бусдыг зөв таньж мэддэг, ойлгодог хүмүүс байдаг.

2. Асуудал, хүндрэл бэрхшээлийг түвэггүй давах сэтгэлийн тэнхээтэй болно

Хүний амьдрал өөрөө сайн муу ээлжлэн зогсолтгүй өрнөх хамгийн том аялал. Энэ аялал дунд үүсэх янз бүрийн асуудал, бэрхшээлд бууж өгөлгүй, сэтгэлээ их чилээлгүй гарах сэтгэлийн тэнхээг аялагчид олж авсан байдаг. 

3. Амарч сурна 

Аялал хийж байх хугацаандаа аялагчид өөрийн бие, оюун бодлыг олон зүйлийн туслалцаагүйгээр ганцаараа сайтар амрааж сурдаг. Энэ бол ямар ч үед, хүн бүрт заавал байвал зохих давуу тал мөн. 

4. Хүндлэл гэж юу байдгийг чин зүрхнээсээ ойлгоно 

Өөрийн биш соёл, өөр улс орны хувьд энгийн л нэг цагаач байх, ямар ч хүндлэлийг мэдрэхгүй байна гэдэг ямар хэцүү болохыг аялагч хүн бүр мэднэ. Та бусад бүх хүнээс  гаднах байдлаараа эрс өөр харагдаж, таны мэдэхгүй хэлээр ярьж, огт мэдэхгүй, таниас хол хөндий санагдах соёлын дунд өөрийн биеийг зүй зохистой авч явж сурсан хүн л "хүнлэг чанар, бусдыг хүндэтгэх" гэж юу байдгийг жинхнээсээ ойлгосон байдаг. 

5. Хаанаас ч гоо сайхныг олж харах чадвартай болдог 

"Юм үзэж нүд тайлсан хүн" гэж манайхан ярьдаг шүү дээ. Хэдий өдөр бүр бидний эргэн тойронд нэгэн хэвийн болж бүтэхгүй зүйл өрнөж, нүд баясгаж сэтгэл сэргээх зүйл хомс байгаа ч аялагч хүмүүс өдөр бүрийн "өнөөдөр"-өөс заавал ямар нэг сайхан зүйл олж хардаг "билгийн нүдтэй" байдаг. Өөр газар аялж явах үед энэ чадвар хамгийн их хэрэгтэй бөгөөд аялалыг жинхэнэ утга учиртай болгодог. 

6. Амьдралаа хайрлаж, сэтгэл хангалуун байж сурдаг 

Яагаад гэвэл, урт удаан аялалын дараа дулаахан гэр, халуун дулаан гэр бүлдээ буцаж ирэх хичнээн аз жаргалтай байдгийг тэд мэддэг учраас, энгийн зүйлээс аз жаргал баяр баяслыг мэдэрдэг учраас, амьдрал өөрөө хамгийн баялаг мөн сонирхолтой, бидний дэлхий ээж өөрөө хамгийн үзэсгэлэнтэй гараг гэдгийг аялагчид л хамгийн сайн мэддэг учраас тэд өөрсдийнхөө амьдрал, байгаа байдалдаа хамгийн сэтгэл хангалуун байж чаддаг.