АНУ-ын Техас мужид амьдардаг таван хүүхэдтэй хос гэр бүлээрээ буюу долуулаа унтаж болох орыг өөрсдийн гараар угсарсан байна. Тэд байшингийнхаа нэг өрөөнд ийнхүү олуулаа унтдаг болсноор тэдний олон өрөө суларч, өөр зорилгоор ашиглах боломжтой болжээ. Олуулаа унтах боломжтой ийм орыг одоогоор ямар ч компани санал болгодоггүй. Харин Элизабет, Том Бойс хоёр Ikea дэлгүүрийн орнуудыг нийлүүлж угсран ийнхүү унтлагын аварга том орыг бүтээжээ. Бүгд нэг дор унтдаг болсноор бага насны хүүхдүүд нь шөнө айж уйлахаа больсон гэнэ. Бойсын гэр бүл нэг дор олуулаа унтах болсон гол шалтгаан нь хүүхдүүддээ хорвоо ертөнцийг үзүүлэх зорилготой нь холбоотой. Дэлхийгээр аялах үед ам бүл олонтой энэ айл зочид буудлын нэг өрөөнд шахцалдаж унтах шаардлагатай болдог. Хэрэв нэг дор олуулаа унтахыг хүүхдүүддээ багаас нь сургаж чадвал зочид буудлынхаа мөнгийг хэмнэж олон газар руу аялах боломжтой болох юм.