Ким Кардашианы дүү, модель, загвар өмсөгч Кендалл Женнер өсвөр насны охин байхдаа батга гарч үрэвсдэг арьснаасаа болж ямар их гутардаг байсан тухайгаа өөрийн цахим хуудсанд нийтэлжээ. Түүний арьсан дээр 12, 13 настай байх үеэс нь эхлэн маш их батга гарч эхэлжээ. Эгч дүү нараасаа хамгийн даруухан Кендалл  нийтлэг тохиолддог энэ асуудлаас бол бусдаас ичиж, санаа нь зовж байгаа хүмүүст өөрийн туршлагаас хуваалцан, урам өгөхөөр шийдсэн бололтой. 

"Миний нүүрэн дээр бүр маш их батга гардаг байсан учраас би хүнтэй ярихдаа өөдөөс нь эгц харж чаддаггүй эсвэл байн байн гараараа нүүрээрээ тагладаг байсан. Үүнээс болж надад өөртөө итгэх итгэл бараг болсноос байснаас гадна би бусдаас өөр, гадуурхагдсан амьтан мэт л өөрийгөө боддог байлаа."

Мэдээж бусдын л адил, ахлах сургуульд байхад аятайхан хөвгүүнд сэтгэл алдарч байсан удаа бий ч, муухай арьснаасаа болж хөвгүүдтэй юм ярих нь битгий хэл өөдөөс нь  харж ч чаддаггүй байсан. Гэхдээ аажмаар бүх зүйл дээрдэж, би мэргэжлийн хүнээс зөвлөгөө авч арьсандаа маш их анхаарал хандуулснаар миний арьс арай дээрдэж эхэлсэн. Бусад охидын адил өөртөө итгэлтэй болж, цэвэрхэн арьстай  гэдэгт итгэхэд ямар их хугацаа орсон гэж санана. Одоо жаахан охин байхаа больсон учраас арьстай холбоотой ямар нэг асуудал үүсэхэд хүндээр тусгаж авахаа больж, өөр бусад олон хүнд тохиолддог байдаг л асуудал гэж хүлээн авч сурч байгаа. Би бусад хүмүүсийг ч бас тийм байгаасаа гэж хүсч байна" хэмээн тэр өөрийн блогтоо бичжээ.

Түүнийг сайхан арьстай болоход гэрийхэн нь маш их тусалсан ба одоо хувийн гоо сайхны мэргэжилтэнтэй, зөвлөгөө гоо сайхны үйлчилгээг байнга авдаг гэнэ.