Хүний биед 50 см-ээс илүү ойртох нь  хувийн орон зайд террорист халдлага үйлдэж байгаатай адил гэж та сонсож байсан уу? Бид ойр дотно, найрсаг байдлаа биеийн хэлээрээ илэрхийлэхдээ гарыг нь атгахаас эхлээд, тэвэрч, үнсэх зэргээр олон үйлдэл хийдэг. Тэгвэл хэнтэй зөвхөн гар барьж, хэнийг тэвэрч болох вэ? Энэ талаар алтан дүрэм гэж бий болов уу? Оксфорд их сургуулийнхан таны асуултад хариулж байна.

Английн Оксфорд,  Финландын Аалто Их Сургуулитай хамтарч хүмүүс хоорондоо хүрэлцэх тал дээр томоохон судалгаа хийж дараах дүгнэлтэд хүрчээ. БҮХ ХҮН ТАНИХГҮЙ ХҮНИЙ БИЕД ГАР БАРИХААС ӨӨРӨӨР ХҮРЭХ ДУРГҮЙ. Сонирхолтой нь эмэгтэйчүүд эрэгтэйчүүдийг бодвол илүү биеэрээ хүрэлцэх дуртай байдаг байна. Судалгааг хоорондоо аав ээж, ах дүү, танил, найз гэх мэт холбоо хамааралтай 1300 гаруй эрэгтэй, эмэгтэй, Англи, Финланд, Франц, Итал, Орос хүмүүс дээр хийж ямар үр дүнд хүрсэнийг доорх графикт дүрсэлжээ.