Бельги улсад Chatillion хэмээх нэгэн сонирхолтой газар бий. Энэ газар нь 70 жилийн түүхтэй оршуулгын газар бөгөөд энд хүн биш машиныг нутаглуулдаг байна. Түүхчид, настай хүмүүс бол эдгээр машинуудыг дэлхийн хоёрдугаар дайны дараа Америк цэргүүд эх орон руугаа авч явах боломжгүй болсон учраас Бельгид нууж орхисон гэдэг. Харин бусад хүмүүс үүнийг няцааж, зүгээр л ашиглагдахгүй болсон машиныг хаядаг газар хэмээн тайлбарладаг.  Тус оршуулгын газар нийт дөрвөн хэсэг, 500 гаруй машинтай байсан ч машинуудын ихэнх нь хулгайд алдагдан харин үлдсэн хэдийг нь 2010 онд байгаль орчны асуудлаас үүдэн цэвэрлэжээ.