ХБНГУ-д та бүхний харж байгаа тансаг зэрэглэлийн таван одтой зочид буудал шиг байрыг зөвхөн чинээлэг иргэдэд зориулж босгосон байна. Гэхдээ хөрөнгөтнүүд энд амралтаа өнгөрүүлэх гэж бус харин тайван цаг өөрчлөгдөж, дайн тулаан эхэлсэн тохиолдолд хоргодох зорилгоор амьдрах юм. Нэг дор 34 гэр бүлийг багтааж, бүтэн жил амьдрахад хүрэлцээтэй бүх нөөцийг хадгалж буй барилгын гол давуу тал нь бөмбөгдөлтөд тэсвэртэй, гадна талаасаа харагдахгүй нуувч гэдэгт оршино. Дайны цагт эдгээр гэр бүл кино театр, усан сан, бялдаржуулах төв зэрэг соёлт ертөнцийн зугаа цэнгээний бүх зүйлээс холдож, тух алдахгүй байхаар бүтээжээ.