Катар Улсын Батлан хамгаалах яамны төлөөлөгч нар манай улсад айлчилж байна. Айлчлалын бүрэлдэхүүнийг өчигдөр БХЯ-ын Гадаад хамтын ажиллагааны газрын даргын үүрэг гүйцэтгэгч, бригадын генерал Ч.Сосорбарам тэргүүтэй албаныхан хүлээн авч уулзаж ярилцлаа. Уулзалтаар Катар Улсын Батлан хамгаалахын сайд, хошууч генерал Хамад Бин Али Аль-Аттияагийн манай улсад хийсэн айлчлалын үеэр яригдсан яриа, хэлэлцээрийг биелүүлж, ажил хэрэг болгох тухай ярилцсан байна. Катар Улсын Батлан хамгаалах яамны төлөөлөгчид өнөөдөр БХИС-д ажиллаж, ЗХЖШ-ын Ажиллагааны удирдлагын газрын дарга, бригадын генерал Д.Ганзоригтой уулзана.