Энэ сарын 29-нд тоглолтоо хийх гэж байгаа "Номин талст" хамтлагийнхны шинэхэн цомог хэвлэлтээс гарчээ. Тус цомог "Номин талст" хамтлагийн  найм дахь цомог нь бөгөөд хуучны хит дуунууд болон шинэ дуунуудаас бүрдсэн байна. Хамтлагийн гишүүн Т.Хангэрэл удахгүй болох тоглолтод оролцохгүй, "Номин талст" гурвуулаа тайзнаа гарахаар  болсон. Гэхдээ шинэ цомог дээр хамтлагийнхан дөрвүүлээ ажилласан учраас Хаазаагийн дуу хоолойг "нэхсэн" фэнүүд нь тайван байж болох нь. Тэгээд ч Т.Хангэрэл хамтлагаасаа гараагүй,  төрийн албаны их ажлаас шалтгаалж уран  бүтээлээсээ  нэг  жилийн чөлөө авсан гэдгээ мэдэгдээд байгаа юм. Тэрээр цаг завтай болохоороо хамтлагийнхаа уран бүтээлд оролцоно гэж амалсан.

Т.Наран