Одоогоос хоёр жилийн өмнө өнөө л Ким Кардашян нүүрэндээ цус түрхэж, арьсаа татсан тухай мэдээлэл цацагдаж байсан. Энэ эмчилгээний ардах “нууц” ноёнтон, Доктор Чарльз Ранелс өнөөдөр эмэгтэйчүүдийг хуйлруулах бас нэгэн “цуст” арга сэджээ. Түүний энэ арга нь унжуу хөхийг өргөж, хөхний толгойг гаргаж ирэн, хөхийг атганд багтамгүй бөөрөнхий, дүүрэн болгохын зэрэгцээ хөх болон хөхний толгойн мэдрэмжийг эрс нэмэгдүүлэх мэсийн бус аргыг нээжээ. “Хөх өргөх вампир арга” нэртээ тус нээлт нь ердөө 15 минут хийгдэх ч нэг удаад 1800 ам.долларын үнэтэй. Та энд дарж Доктор Чарльз Ранелсийн веб сайтад хандан хөх томруулах үйл явцын өмнөх ба дараах гэрэл зураг, үйл явцын дүрс бичлэг зэргийг үзэх боломжтой. Хөхийг үйлчлүүлэгийн өөрийнх нь цусаар өргөх ажиллагаа юун түрүүнд судаснаас цус авснаар эхэлнэ. Авсан цусаа тусгай төхөөрөмжинд хийж цусны ялтсыг ялгаж, цусны сийвэнг ялтсаар баяжуулна. Энэхүү сийвэнгээ үйлчлүүлэгчийн хөхөнд шахах аж. Ялтсаар баяжсан цусны сийвэн нь хөхөнд орж шинэ эд эс бий болох явцыг түргэснээр, шинэ эд эс илүү хэмжээгээр коллаген, өөхлөх эд бий болгож, цусны судас ч нэмэгдэх гэнэ. Ийнхүү таны хөх том, дүүрэн болно.