Нью-Йоркын тэнгэр баганадсан өндөр барилгуудын дунд эрт цагийн даяанчийн агуйг санагдуулам жижигхэн сууц босчээ. Томчуудын тоглоомон байшин ч гэмээр энэ бяцхан байшинг их хотын дуу чимээ, завгүй амьдралын хэмнэлээс зугатах гэсэндээ залуу архитектор босгосон байна. Ник Хант 16 шоо метр сууцыг барихад долоо хоног, 1200 ам.доллар зарцуулжээ. Эцэг эхийнхээ байшингаас дотоод заслын материалуудыг зөөж авчирсан учраас зардлаа нэлээд бууруулж чадсан байна. Ганц сандал ширээ байрлуулах зай талбайтай энэ сууц нь өдрийн цагаар дуг хийх, нам гүм орчинд ажиллах шаардлагатай үед эсвэл бясалгал хийхэд нэн тохиромжтой. Мөн дээшээ тэнгэр харж, дэргэдээ ногоон зүлэгт ойрхон байхаар цонхыг нь цэлгэр хийсэн тул байгальтай ууссан бүтээл болжээ.