Хятад жүжигчин Angelababy /жинхэнэ нэр нь Иенг Вин/ өөрийнхөө нүүрэнд гоо сайхны мэс засал хийлгээгүй гэдгийг батлахын тулд эмнэлгийн нарийн шинжилгээнд оржээ. Түүнийг шалгасан эмч жүжигчин бүсгүйг мэс засалд орж байгаагүй гэдгийг албан ёсоор зарласан юм. Жүжигчин бүсгүйн шинжилгээг сэтгүүлчид болон бусад батлах олон гэрчийн хамт олон нийтэд нээлттэй хийсэн байна.

Сүүлийн үед Angelababy-г мэс заслын ачаар царайлаг болсон гэсэн шуум тархах болсонд тэрээр их эмзэглэж ийм алхам хийхэд хүргэжээ. Түүгээр зогсохгүй уг шуумыг анх Бээжин хотын Ruili гоо сайхны эмнэлэг 2013 онд вэбсайтад бичиж тараасан гэж үзэж 500,000 юаний /150 сая төг/ нөхөн олговор нэхэмжилээд байна.