Огаёо мужийн нэгэн сүм Домино хэмээх пицца компаниас сүмийн үйл ажиллагааны үеэр нэг пицца захиалжээ. Пиццаг хүргэж ирсэн жолоочид сүмд ирсэн сүсэгтнүүдээс цуглуулсан мянган долларыг тип буюу гарын мөнгө болгож өгсөн байна. Жолооч бүсгүй тус сүмд 5 доллар 99 центийн үнэтэй пицца хүргэж ирээд ийнхүү мянган доллартай буцлаа. Жолоочийг ирэхээс өмнө номлогч өгөөмөр сэтгэлийн талаар айлдаж байжээ. Амьдралдаа хамгийн ихдээ арван долларын гарын мөнгө авч байсан жолооч бүсгүй хэрхэн уяран хайлж, нулимс бөмбөрүүлэхийг харсан олон хүн өгөөмөр сэтгэлийн үнэ цэнийн тухай хэзээ ч мартамгүй сургамж авсанд итгэлтэй байна. Тус сүмд долоо хоногт 500-600 хүн ирдэг байна.