ЗХУ-ын үед ард иргэд нийтийн тээврийн хэрэгсэл хүлээнгээ байгалийн олон үзэгдлээс хоргодон зогсдог асан автобусны буудлууд дунд урлагийн бүтээл гэж тодорхойлох цөөн буудал байгааг оросын хэвлэлд онцолжээ. Гэрэл зурагчин Кристопер Хервигт “Санаанд багтамгүй урлагийн” бүтээлүүдийн тухай тэмдэглэн үлдээх ном гаргахаар шийджээ. Канад гаралтай гэрэл зурагчин энэ зорилгоо биелүүлэхийн тулд 2002 онд унадаг дугуйтай холын аялалд гарсан байна. Тэрээр Лондон хотоос гарч Оросын Санкт Петербург хүрсэн бөгөөд урт замыг уйдалгүй туулахын тулд хоёр цаг тутамд ямар нэг зүйлийн зураг авна гэсэн дүрэм гаргасан байна. Кристопер Литви улсын нутагт орж ирээд л эдгээр гайхалтай автобусны буудлуудыг анзаарчээ. Хуучин Зөвлөлтийн нутгаар аялах тусам ийм урлагийн бүтээл болсон автобусны буудлууд нэмэгдсэн байна.