Нийслэлийн Эрүүл мэндийн газрын даргын тушаалын дагуу энэ сарын 08-ны өдрөөс эрсдэлт бүлгийн хүмүүсийг улирлын томуугийн эсрэг вакцинаар дархлаажуулах ажил эхэллээ. Эрсдэлд бүлэгт эрүүл мэндийн ажилтан, ОБЕГ, МХЕГ, Нийслэлийн МХГ, ЦЕГ, Хил хамгаалах ерөнхий газар, “Автобус” ХХК, “Нийтийн үйлчилгээний Улаанбаатар нэгтгэл” ОНӨААТҮГ, “Чингис хаан” олон улсын нисэх онгоцны буудал зэрэг байгууллагын ажилтнууд багтаж байна. 

Харин дараа долоо хоногоос эмзэг бүлгийн 2-5 насны 5000 орчим хүүхдэд улирлын томуугийн эсрэг вакцинаар дархлаажуулах ажил эхлэх юм.

Мөн 6 сараас дээш насны хүүхэд болон насанд хүрэгчдэд Халдварт өвчин судлалын үндэсний төвийн сайн дурын дархлаажуулалтын кабинетаар  дээрх вакциныг төлбөртэй хийж байна.

Жирэмсэн эмэгтэйчүүд вакцин хийлгэх боломжтой бөгөөд хөхүүл эх эмчийн зааврын дагуу хийлгэж болно. 

Улирлын томуугийн эсрэг вакцины эсрэг заалт:
- Өндөг, тахианы махны харшилтай
- Сүүлийн нэг жилийн хугацаанд таталт өгсөн
- Урьд нь томуугийн эсрэг вакцин хийлгэсний дараа хүндрэл өгсөн
-Дархлаа дарангуйлах эмчилгээ хийлгэж байгаа хүмүүст тарихгүй
 
Анхаарах зүйлс:

Тарьсан хэсгийг цэвэр байлгах,
Даарч хөрөхгүй байх,
Томуугийн өвчлөл тархахаас өмнө томуугийн эсрэг вакцин тариулах

 
                                         НИЙСЛЭЛИЙН ЭРҮҮЛ МЭНДИЙН ГАЗАР