Зун төрсөн хүүхдүүд өвөл болон бусад улиралд төрсөн хүүхдүүдээс илүү эрүүл чийрэг байдгийг судалгаагаар тогтоожээ. Нийт 450 мянган эрэгтэй, эмэгтэй хүүхдүүд дээр хийсэн судалгаагаар зун төрсөн хүүхдүүд нь илүү жинтэй, өндөр, биеийн хөгжил сайтай, эрүүл байдаг гэсэн үр дүн гарчээ. Төрөөгүй хүүхдийн эрүүл мэнд Д аминдэмээс хамааралтай байдагтай холбоотой байх гэж судалгааны багынхан онцолжээ. "Бид хүүхдийн жин, өндөр, ургийн хөгжил улирлын чанартай байдаг механизмын талаар сайн мэдэхгүй байна. Цаашид энэхүү механизмыг илүү сайн судалж албан ёсны дүгнэлтэд хүрэх байх" хэмээн Английн Кэмбридж их сургуулийн эрдэмтэн Жон Перри хэвлэлийнхэнд ярьсан байна.