Өнөөдөр буюу аравдугаар сарын 11-ний Ням гарагийн өглөө 9-10 цагийн орчимд"Мон сан","Одкон" ХХК-ууд  нь улсын II төв эмнэлгийн ойролцоо зөвшөөрөлгүй газар шорооны ажил хийж байхдаа Улаанбаатар цахилгаан түгээх сүлжээ ТӨХК-ийн 10 кВ-ын кабель шугамуудыг гэмтээжээ. Улмаар тус эмнэлгээс гадна Баянзүрх дүүргийн 3-р хороо 12 хороолол, Англи, Энэтхэгийн элчин сайдын яамд зэрэг нэгдүгээр зэрэглэлийн хэрэглэгчид, Сансрын тунель орчмын нийт 1742 айл өрх, 141 аж ахуйн нэгж 35-50 минутын турш цахилгаан эрчим хүчээр хангагдаж чадсангүй. Эдгээр хуулийн этгээдүүдэд Эрчим хүчний тухай хуулийн дагуу хөдөлмөрийн хөлсний доод хэмжээг 2-20 дахин нэмэгдүүлсэнтэй тэнцэх хэмжээний мөнгөн торгууль ногдуулж, холбогдох ажлын материал, ажилласан хүн хүчний зардал, дутуу түгээгдсэн эрчим хүчийг тооцож төлүүлэх ба хохирлын хэмжээг тооцож акт гаргахаар улсын байцаагчид ажиллаж байна.