АТГ-аас залууст хандсан “Шударга нийгмийн төлөө хамтдаа” хөтөлбөр хэрэгжүүлж, гурван удаагийн сургалт зохион байгуулжээ. Аравдугаар сарын сургалтад “Залуу манлайлал”, “Байгаль орчны манлайлал” хөтөлбөрт хамрагдаж буй 14 залуу мэргэжилтэн оролцсон байна. Сургалтад хамрагдсанаар авлига, ашиг сонирхлын зөрчил, түүний шалтгаан  хор хөнөөлийн талаар ойлголт, мэдлэгтэй болж,  авлигатай тэмцэх байгууллагын чиг үүрэг, бүрэн эрх, үйл ажиллагааг танилцдаг байна. Мөн Авлигын индекс, Төрийн байгууллагын шударга байдлын түвшний үнэлгээ, Улс төр, хууль хяналтын байгууллагын хүрээн дэх авлигын талаарх төсөөлөл, Хүүхдийн шударга байдлын үнэлгээ зэрэг судалгааны талаар мэдээлэл авах боломжтой. АТГ-аас сар бүр тогтмол зохион байгуулдаг энэ сургалтанд оюутан залуус, анги хамт олон, байгууллага, иргэдийн өмнө энэ боломж нээлттэй. Энэ талаар 70112467 утсаар лавлаж, хөтөлбөрт хамрагдана.