Лондоны их сургуулийн эрдэмтэд хүүхдүүд яагаад хүнсний ногоонд дургүйг судалжээ. Энэ судалгаандаа 200 гаруй гэр бүлийг хамруулж, хүнсний ногоог хадгалсан хугацаа болон хүүхдийн идэх дуршил хоорондоо хамааралтайг тогтоосон байна. Эндээс хүүхэд шинэ ногоонд дурладаг гэж дүгнэж болохоор. Хүүхдийг ногоонд дуртай болгохын тулд дор хаяж арван удаа амсуулах хэрэгтэй. Харин эцэг эхчүүд цөөн хэдэн удаа оролдоод “Манай хүүхэд ногоонд дургүй” гэсэн дүгнэлт хийх нь элбэг. Мөн хөлд орж байгаа хүүхдийг магтаж сайшаах тусам ногоотой хоолоо ховдоглон иддэг болохыг ч  илрүүлсэн байна. Английн Эрүүл мэндийн судалгааны байгууллагаас мэдээлснээр тус улсын нийт 20 хувь нь л эмч нарын зөвлөдгийн дагуу өдөрт таван өөр төрлийн жимс ногоо хэрэглэдэг байна.