“Эрдэнэт Бага Олимп – 2015” наадмын нээлт Эрдэнэт спорт амралтын хүрээлэн буюу Төв цэнгэлдэх хүрээлэнд боллоо. Тус наадамд спортын 9 төрлөөр 22 багийн 1600 гаруй тамирчин 216 багц медалийн төлөө өрсөлдөх юм. Аравдугаар сарын 7-нд шатар, сагс болон хөлбөмбөгийн тэмцээн эхэлсэн бол 11-нд марафоноор өндөрлөх аж. Нээлтийн бамбарыг Хөдөлмөрийн баатар, Гавьяат тамирчин, Олимпийн аварга Ц.Түвшинбаяр, Гавьяат тамирчин Б.Наранбаатар, Г.Болдбаатар нар асаалаа.