НҮБ-ын Хүүхдийн сан 2011 онд охидын эрх зөрчигдөж байгаад дэлхий нийтээрээ санаа тавихыг уриалж 10-р сарын 11-ийг дэлхийн охидын өдөр болгожээ. Жил бүр 10 сая охид, насанд хүрээгүй байхдаа хүчээр гэр бүлийн амьдралаа эхлэхэд хүрдэг тухай судалгааг ч Хүүхдийн сангаас гаргасан байна. “Тэд бүх амьдралынхаа турш гэрийн болон сексийн боол болж, эмнэлэгт үзүүлэх, боловсрол эзэмших эрхээ эдэлж чадалгүй гадуурхагдаж, бие махбодийн болон оюун санааны эрх чөлөө нь зөрчигддөг" гэж тус сангаас тараасан хэвлэлийн мэдээнд дурджээ. Иймэрхүү гэрлэлт нь эрт жирэмслэхэд хүргэж эх, хүүхдийн эндэгдлийг нэмж байгааг ЮНИСЕФ анхааруулж байна. Энэ өдрийг улс орон бүр ялгаатай тэмдэглэн өнгөрүүлдэг байна.