Их Британи улсад хичээлийн шинэ жил эхэлж, таван настнууд бага сургуулийн босго давлаа. Харамсалтай нь таван настай хүүхдүүд живхнээсээ салаагүй, ярьж чадахгүй, зарим тохиолдолд нэрээ мэдэхгүй байгаа нь багш сурган хүмүүжүүлэгчдийн санааг ихээр зовоож байна. Тус улсын нийт сургуулийн 60 хувьд хичээлийн үеэр өмдөндөө бие засдаг хүүхдүүд байгаа тухай мэдээлсэн байна. Үүний зэрэгцээ 4-5 настнуудын 20 хувь нь цагаан толгойн үсэг дагаж дуудах чадваргүй байгаа ажээ. Мөн Их Британийн цагаан арьстай, орлого багатай гэр бүлийн хөвгүүд гол төлөв суралцах чадвар муутай байгааг судлаачид анхааруулж байна. Харин хятад, энэтхэг гаралтай англичуудын хүүхдүүд хамгийн өндөр үнэлгээтэй суралцаж байгааг онцолжээ.