Үзэгчдийн сайн мэдэх “Скандал”, “Grey’s Anatomy”, “How to get away with Murder” зэрэг цуврал киноны зохиолч нь Шонда Раймс хэмээх 45 настай эмэгтэй байдаг. Шонда Раймсын тухай онцлон хүргэхийн учир богино хугацаанд 53 кг жин хасч чадсанд байна. Тэрээр CNN агентлагт жин хассан талаараа мэдээлэл өгөхдөө “Би гурван жаахан охинтой. Тэдэнтэйгээ илүү удаан хамт байхын тулд эрүүл байх ёстой гэдгээ ойлгосон. Тэгээд л нэг өдөр шийдсэн” гэжээ. Шонда Раймс ямар нэг байдлаар хоол хориогүй зөвхөн идэх хэмжээгээ багасгажээ. Мөн өөрийнхөө эрүүл мэндийн төлөө хамгийн дургүй зүйлээ буюу фитнесийн дасгал хийсэн байна.