Хөдөлмөрийн яамнаас жил бүр зохион байгуулдаг “Хөдөлмөр-хөгжлийн түлхүүр”- нэртэй үзэсгэлэн яармаг Чингисийн талбайд зохион байгуулагдлаа. Энэ үеэр бүх дүүргүүдээс хамгийн шилдэг ажил олгогч дүүргээр Хан-уул тодорсон юм. Тус дүүргийн хөдөлмөрийн хэлтсийн даргын онцолж байгаагаар Хан-уул дүүрэгт байрлах “Жигүүр Гранд” группийн “Гэгээнтэн” цогцолбор нь шинэ бүтээн байгуулалтыг хийж 140-160 ажлын байрыг бий болгожээ. “Жигүүр гранд” группийн хувьд нийт 1000 гаруй ажилтантай жил ирэх бүр ажилчдын тоо ч нэмэгдсээр байгаа юм. Зөвхөн энэ жилийн хувьд авч үзэхэд шинээр хийсэн бүтээн байгуулалт нь нийт 100 гаруй иргэнийг шинээр ажлын байртай болгосон байна.