Танай унтлагын өрөө давчуу санагддаг уу? Гэхдээ зүгээр. Унтлагын өрөөгөө том "болгох" санааг танд хүргэе.

1. Цэгцлэхээс эхэлнэ

Таны унтлагын өрөө замбараагүй, булан тохойд нь "хэрэггүй" зүйлс хадгалсан байдаг бол аль болох бүгдийг нь гаргаж цэвэрлээд нэг үзээрэй. Танд өөр мэдрэмж төрнө гэдэгт эргэлзэхгүй байна.

2. Цайвар өнгө сонго

Унтлагын өрөөний хана, тавилгууд цайвар байвал илүү цэлгэр гэгээтэй харагддаг. Хэрэв та байрандаа засвар хийж, тавилгаа шинэчлэх юм уу эсвэл жижиг унтлагын өрөөтэй шинэ байранд орж байгаа бол цайвар өнгө сонгоорой.

3. Олон ашигтай тавилга сонго

Өрөөнийхөө зайг сантиметр ч болтугай хэмнэхийг хичээх хэрэгтэй. Олон талаар ашиглаж болох тавилгууд сонговол маш сайн зай хэмнэх нь гарцаагүй.

4. Тавиурыг таазанд ойртуул

Номын болон бусад тавиурыг таазанд ойрхон тогтоовол ямар их зай хэмнэж байгааг мэдэх болно.

5. Тарвасны дүрэм

Унтлагын өрөөнд байх сувенир тарвасны хэмжээнээс том байж болохгүй.

6. Толь

Том толь нь өрөөг цэлгэр харагдуулдаг гэдгийг та мэдэх байх.

7. Хөшиг

Интериор дизайнеруудын бяцхан нууцыг дэлгэхэд хөшгийг таазтай ойрхон өлгөх нь өндөр таазтай мэт харагдуулдаг. Таазнаас 5 см доогуур хөшиг тогтоогчоо тогтоож, цонхноос хоёр тийш 15 см өргөн хөшиг хийгээрэй.

8. Хайрцагны гадуур сэтгэ

Номын тавиурыг таазтай ойрхон тогтоодог шиг хүний анхаарлыг тааз руу чиглүүлэхээр хана юм уу таазны обойгоо сонгоорой.

9. Өнгө

Өнгөний зохилдлого маш чухал. Хэрэв өрөө олон өөр өнгөтэй бол хүний хүний нэг нэгээр нь ялган харж замбараагүй мэт сэтгэгдэл төрүүлдэг.  Нэг нэгэндээ ууссан өнгөнүүд сонговол зүгээр.

10. Гэрэл

Бид бүгд л гэрлэнд дуртай. Унтлагын өрөөнд нарны гэрэл тусах боломжгүй байдаг бол өрөөний гэрлүүдээр өрөөг том болгож харагдуулах боломжтой. Таазанд байх гэрэл нь таазыг намхан харагдуулдаг. Боломжтой бол ханын гэрлийг сонгох хэрэгтэй.

11. Судал

Босоо судалтай хувцас хүнийг өндөр харагдуулдагтай адил дүрэм өрөөнд ч бас үйлчилдэг. Судалтай дэвсгэр өрөөг том харагдуулдаг.

12. Хана

Гэрэл, номын тавиур, хувцасны өлгүүр бүгдийг хананд байрлуулах хэрэгтэй. Хэдий чинээ том шал харагдана төдий чинээ зайг мэдрүүлдэг.