Английн Үндэсний Эрүүл мэндийн газраас хөхний хорт хавдрын өндөр эрсдэлтэй бүлэгт хамаардаг хагас сая эмэгтэйчүүдэд хорт хавдар ургах явцыг бууруулдаг эм олгож байна. Тамоксифен нэртэй эмийг хавдрын эмчилгээнд хэрэглэдэг ч Англид анх удаа урьдчилан сэргийлэх зорилгоор хэрэглэж байна. Англи, Уэлс, Шотландын засгийн газруудад гэр бүлийн хоёр болон түүнээс дээш гишүүн нь хорт хавдраар өвчилж байсан эмэгтэйчүүд тамоксифен гэх эмийг таван жилийн хугацаатай олгох зааварчилгааг хүргүүлжээ. Хөхний хорт хавдрын гени тээдэг эмэгтэйчүүд энэ эмийг хэрэглэснээр хөхөө авахуулах мэс засал хийлгэхгүй ч байж болох гэнэ.