Доминиканы Бүгд найрамдах улсын Салина хэмээх тосгонд удамшлын гажигтай хүүхдүүд амьдарч байна. Эм хүйсэнд төрсөн хүүхдүүдэд 12 настай үед эр бэлэг эрхтэн ургадаг энэ гажигийг анх 1970-аад онд шинжлэх ухаан бүртгэж авсан байна. Өнөөдөр Салина тосгонд 12 нас хүрмэгцээ бэлэг эрхтэнтэй, хүү болж хувирсан 90 гаруй хүүхэд амьдарч байна. Тэдний зарим нь нас биед хүрч, эр хүний амьдралаар амьдарч байгаа юм. 

Тэднийг эхийнхээ хэвлийд байхад дигидро-тестостерон гэх гормон дутагдсаны улмаас ийм гажигтай болсон гэж эрдэмтэд үзжээ.

Учир нь хүүхэд эхийн хэвлийд бойжоод 8 дахь долоо хоногоос дигидро-тестостерон гормоны нөлөөллөөр эр бэлэг эрхтэн үүсч эхэлдэг байна. Эрдэмтэд энэ өөрчлөлтийн шалтгааныг Салина тосгон алс бөглүү оршдогтой холбон тайлбарлаж байна.