Исламын шашинтнуудын хувьд  Саудын Араб дахь ариун Мекка хотод болдог хаж мөргөлд нэг удаа ч болов оролцох амьдралын зорилго нь байдаг. Тэдний хамгийн ариун мөргөл билээ. Энэ жилийн хаж мөргөлийн үеэр болсон шахцалдааны улмаас амиа алдсан хүний тоо 700-аас 769 болж нэмэгдлээ.Пүрэв гарагт Мекка хотын захын Мина хэмээх нарийн гудамжинд энэхүү шахцалдаан бол 769 хүн агаар дутагдсаны улмаас мөн бусдын хөлд гишгэгдэн амь насаа алдсан билээ. Хохирогчдын дотор 136 Иран хүн байгаатай холбогдуулан Ерөнхийлөгч Хассан Рухани НҮБ-т хандан энэ жилийн Хажж мөргөлийн үеэр болсон шахцалдааныг шалгахыг шаардсан байна. Аливаа олныг хамарсан арга хэмжээг нарийн зохион байгуулалттай хийгээгүйгээс шалтгаалан ийм харамсалтай явдал жил бүр дэлхийн олон оронд тохиолддогоос бид сургамж авууштай.