АНУ-ын Айдохо мужийн нэгэн дунд сургууль хөгжөөн дэмжигч охидоос тоглолтын хувцасны дотуур трико өмсөхийг шаардлаа. Учир нь хөгжөөн дэмжигч охид шатаар алхах, сандал дээр суух үед тэдний өгзөг ил харагдаж байгаа юм. Айдохо мужийн Пост Фоллс хотын сургууль багш нарын санал хүсэлтийн дагуу ийм шийдвэр гаргасныг эцэг эхчүүд дэмжиж байна. Тухайн дүүргийн хувцаслах дүрэмд юбка гуяны дунд хэсэгт шүргэх урттай байхаар заасан ч өнөөдрийг хүртэл чанд мөрдөгдөж байсангүй. Сургуулийн захирал Наккарато хүүхдүүд биеийнхээ анатомыг бусдад харуулж явахыг зөвшөөрөхгүй гэж тайлбарлажээ.