Улсын Филармонийн гоцлол дуучин, гавьяат жүжигчин  Г. Ариунбаатар ЗХУ-ын Ардын жүжигчин, нэрт дуучин Муслим Магомаевын нэрэмжит олон улсын дуурийн дуучдын III уралдаанд амжилттай оролцож тэргүүн байр эзэлжээ.

Тэрбээр өмнө нь Оросын нэрт хөгжмийн зохиолч М.И.Глиникийн нэрэмжит олон улсын дуурь дуулаачдын 24 дэх удаагийн тэмцээнээс эх орондоо гран при шагнал авч ирж байсан. Сонгодог урлагт хөл тавьсан цагаасаа цахиур хагалж, 21 насандаа гавьяат жүжигчин цолоор энгэрээ мялаасан дуучин маань Монголын нэрт хөгжмийн зохиолч, Төрийн хошой шагналт, Ардын жүжигчин Н.Жанцанноровтой хамтран “Монгол сонгодог” тоглолтоо олонд толилуулж, чадварлаг уран бүтээлч гэдгээ харуулсан билээ.

                                                                                                                  Г.Золзаяа